Фото: Ndtv.com
Ҳиндистон қуролли кучлари янги модификациядаги Akash зенит ракетасининг муваффақиятли синовини ўтказди. Бу ҳақда NDTV телеканали хабар бермоқда. Синов жараёни 5 декабрь куни мамлакат шарқидаги Одиша штатида ўтказилган.
"Ушбу муваффақиятли синов, Ҳиндистон "ер-ҳаво" туридаги ҳар қандай ракетани ишлаб чиқиш имкониятига эга бўлганини кўрсатади", - дея мамлакат мудофаа вазирлиги вакили сўзини келтиради телеканал. ОАВ хабарига кўра, синов вақтида ракета ўзиучар "Банши" нишонини уриб туширган.
Ҳиндистоннинг Akash зенит-ракета мажмуаси 18 км баландлик ва 30 км узоқликдаги ҳаво нишонларини уриб тушириш учун ишлаб чиқилган.
