Тожикистон ва Туркия бош вазирлари Қоҳир Расулзод ҳамда Бинали Йилдирим Истанбулда икки мамлакат ўртасидаги товар айланмасини 1 миллиард долларга етказишга келишиб олдилар. Бу ҳақда Тожикистон Ташқи ишлар вазирлиги матбуот хизмати хабар бермоқда.
Хабар қилинишича, томонлар учрашув давомида мамлакатлар ўртасидаги товар айланмасини 1 миллиард долларга етказиш бўйича қатъий фикрда эканликларини тасдиқлашган.
Улар текстиль саноати, гидроэнергетика, фойдали қазилмаларни ўзлаштириш ва қўшма саноат корхоналарини яратиш соҳаларида ўзаро ҳамкорликни янада ривожлантириш катта салоҳиятга эгалигини алоҳида қайд этиб ўтишган.
