Тошкент шаҳар ИИББ ходимлари томонидан ўтказилган “Тозалаш-Антитеррор” тадбири давомида, Юнусобод тумани ҳудудида истиқомат қилувчи шахс ўз уйида жанговар қурол ўқларини сақлаб келаётганлиги ҳақида маълумот келиб тушган. Бу ҳақда пойтахт ИИББ ахборот хизмати хабар бермоқда.
Ушбу маълумот асосида, 2017 йилнинг 13 декабрь куни ходимлар томонидан фуқаро 1950 йилда туғилган Ш.В.нинг яшаш хонадони текширилган. Мазкур текширув давомида Ш.В. хонадон омборхонасида ҳарбий қутичага (котелок) солинган АК-74 автоматининг 5,45 калибрли жами 232 дона жанговар ўқларини сақлаб келаётганлиги аниқланган.
Мазкур ҳолат юзасидан юқорида кўрсатиб ўтилган қурол ўқлари белгиланган тартибда олиниб, Ш.В.га нисбатан тегишли ҳужжатлар расмийлаштирилди.
