SpaceX компанияси 15 декабрда Dragon юк ташувчи коинот кемасига эга Falcon 9 ракетасини коинотга учирди. Dragon Халқаро коинот станцияси экипажига юк, жумладан илмий тажрибалар учун материаллар ва озиқ-овқат етказиб беради.
SpaceX илк бор ракетани учиришда Falcon 9’нинг аввалги парвозларидан кейин сақлаб қолинган биринчи поғонадан фойдаланди.
Ракета 15 декабрда Тошкент вақти билан соат 20:36да Канаверал бурнидаги базадан учирилган. Ракетанинг биринчи поғонаси ажралиб, тахминан соат 20:44ларда ерга қўнган.
Сўнгра Dragon кемаси керакли орбитага чиққани маълум қилинган.
Ноябрь охирида компания президенти Гвинн Шотвелл компания 2018 йилда жорий йилдагидан 1,5 марта кўпроқ парвозларни амалга оширмоқчилигини маълум қилганди.
Falcon 9 first stage has landed at Landing Zone 1 — SpaceX’s 20th recovery of a first stage booster. pic.twitter.com/DHLAf7hq7t
— SpaceX (@SpaceX) December 15, 2017
23 ноябргача компания 16 та ракета-ташувчини коинотга учирди ва парвозларнинг барчаси муваффақиятли кечган. Декабрь охиригача компания яна 3-4 та парвозни амалга оширмоқчи. Ушбу режага кўра, Zuma махфий ҳарбий миссияси парвози, ХКСга юк етказиш, орбитага яна 10 та Iridium Next алоқа йўлдошини олиб чиқиш ҳамда Falcon Heavy оғир ракетасининг илк парвозини ўз ичига олган.
