Пентагон америкалик ҳарбийлар номаълум учар жисм ортидан кузатув олиб боришаётгани видеосини намойиш қилди. Бу ҳақда The Independent нашри хабар бермоқда.
Видеода 2004 йилда иккита F/A-18 Super Hornets самолётлари Сан-Диего соҳилларида амалга оширган операция тасвирланган. Роликда ердан 24 км баландликда учаётган номаълум объектни кўриш мумкин.
Маълум қилинишича, сардор Дэвид Фрэвор ва капитан-лейтенант Жим Слейт Тинч океанидан 160 км узоқроқда машғулот бажаришаётганда уларга номаълум жисм ортидан кузатув олиб бориш тайинланган.
Фрэвор НУЖнинг тезлигидан жуда ҳайратланган.
“У бизнинг исталган самолётдан тезроқ учмоқда”, деб айтган учувчи.
Ҳарбийнинг таъкидлашича, НУЖ самолётнинг бундай юқори тезликларни қайд қила олмайдиган радарларини ишдан чиқарган.
Пентагон “Авиацион таҳдидларни идентификация қилиш кенгайтирилган дастури” борлигини расман тан олди. У бу дастур доирасида 2007 йилдан 2012 йилгача НУЖларни ўрганиш билан шуғулланган. Умумий ҳисобда бу дастурни молиялаштиришга 22 млн доллар кетган.
