АҚШнинг Пенсильвания штатида истиқомат қилувчи Мария Ҳоромански электр энергиясидан фойдаланганлик учун 284 миллиард доллар қарз эканига доир хабарнома олди, деб ёзмоқда Business Insider.
58 ёшли аёлнинг қайд этишича, у ҳисоб варағини олгач, шокка тушган. Ҳороманскининг Facebook ижтимоий тармоғида эълон қилган суратда таъкидланишича, у бу қарздорликни 2018 йил ноябригача тўлаши лозимлиги қайд этилган. "Агар биз ҳамма нарсамизни сотсак ҳам, бизга бу қарздорликни тўлаш учун яна 100 йиллар керак бўлади", — деб ёзган аёл.
Нашрнинг ёзишича, кейинроқ Ҳоромански оиласи электр энергиясини етказиб берувчи билан боғланган ва компания хато қилганини аниқлаган. Аслида аёл қарздорлиги 284,46 доллар бўлган.
