Американинг Коннектикут штатида камдан-кам рўй берадиган ҳодиса бўлиб ўтди. Штатдаги шифохоналардан бирида даволанаётган қиз турмушга чиқди, деб ёзмоқда Sun нашри.
Қайд этилишича, Дэвид Мошер танлагани Ҳезер Линдсининг қўлини 2016 йил декабрида сўрашни режалаштирган. Бироқ қизга кўкрак саратони ташхиси қўйилгани халақит берди. Шунга қарамай, Дэвид ўз ниятидан воз кечмади.
Ҳезер йил давомида касалликка қарши курашди ва 2017 йил охирида Дэвид билан турмуш қурди. Аммо шифохонада бўлиб ўтган никоҳ тўйидан 18 соат ўтгач, 22 декабрда ҳаёт билан видолашди.
Келиннинг дугонаси Ҳезернинг жасурлигини қайд этиб, унинг муҳаббати ўлимдан қўрқмасликка куч бағишлаганини таъкидлади.
