Apple, Microsoft, Sony. Уларнинг логотипига биргина нигоҳ ташлаш ҳам истеъмолчида маълум бир реакцияни уйғотади ва истеъмол базаси ҳамда компания идеаллари ўртасида боғлиқликни юзага келтиради. Шу билан бирга, оддий дизайндаги логотип компанияни ғалати ёки харидор учун бегона қилиб қўйиши мумкин.
Баъзи брендлар доимий равишда ўзгариб борувчи фикрлар ва бозор трендларига етиб олиш учун ўз логотипларини ўзгартиради; бошқалари эса аввалги дизайн компаниянинг ҳақиқий ғояларини акс эттирмаётганини тўсатдан пайқаб қолишади.
Мавзуга оид: Видео: яширин маънога эга бўлган 17 та логотип
Мавзуга оид: Apple нок ва бошқа меваларга қарши
Вақт синовидан ўта олмаган логотипларнинг баъзи намуналари қуйида келтирилади.
Apple
Apple брендининг синонимлари бўлган оддийлик ва эркин услуб аслида компаниянинг биринчи логотипида умуман йўқ – унда сэр Исаак Ньютоннинг олма дарахти тагида ўтиргани тасвирланган. Дизайн Apple’нинг ўша машҳур ва рангли логотипига бир йилдан сўнг ўзгартирилди.
Яна бир қизиқ факт: компания аслида Ньютоннинг машҳур олмаси шарафига номланмаган, балки Стив Жобснинг «мевали» парҳезларидан бири номини олган.
Sony
Sony ҳозирги логотип учун қўллайдиган шрифт компаниянинг баъзи маҳсулотлари каби чуқур тасаввур уйғотади. Бироқ, 1958 йилги логотипда абадий классика ғоясидан бренднинг футуристик образини яратишга уриниш сабаб воз кечишга қарор қилинди.
Amazon
Amazon’нинг дастлабки логотипида интернет-дўконнинг барча салоҳияти ва имкониятлари тўла очиб берилмаган, ҳозирги дизайнда эса бу «a» дан «z» га қадар кўрсатиб берилди.
Бунинг ўрнига унда йўл тасвирланган бўлиб, у қандайдир «А» пунктига олиб боради. Бу логотип 2000-йилларга қадар ўзгартирилмади, бироқ Amazon’нинг асосий товари китоблар бўлгани ҳолда, улар бу логотипда умуман кўрсатилмаган.
Xerox
Эҳтимол, Xerox аввалги машҳурлигини йўқотган ҳамдир, бироқ айнан PARC компаниясининг тадқиқот бўлими қачонлардир фойдаланувчилар интерфейсини ишлаб чиққанини ёддан чиқармаслик керак. Шу билан бирга, компания биринчи логотипи бугун бир қадар бошқа тасаввур беради, 1950-йилларда эса ўзгача бўлгани аниқ.
Nintendo (1950)
Nintendo Mario машҳур ўйини пайдо бўлишига қадар қарийб юз йилдан бери ўйинлар яратиш билан шуғулланиб келган. Гарчи сўнгги 30 йилда компания нуфузи анча ошган бўлса ҳам, Nintendo энг кичик нарсадан бошлаган – қартали ўйинлардан. Буни ушбу логотип ҳам кўрсатиб беради, у 1950-1960 йилларда компания номини безаб турган.
Logitech
Бу ерда тақдим этилган намуналардан кўпи – брендларнинг ўз логотипини яратиш бўйича илк уринишларидир. Бу логотип Logitech’нинг тўртинчи ҳаракати бўлган. Гарчи у бугунги логотипга асос қилиб олинган бўлса-да, дизайн вақт синовидан ўта олмади.
Microsoft
Microsoft’да худди Logitech билан бўлгани каби, биринчи логотип жуда чиройли кўринишга эга бўлган. Бироқ компания 1980-1982 йилларда фойдалангани «жуда илғор» кўринишга ҳаракат қилгандек тасаввур уйғотади – бу эса шунчаки ўша даврнинг белгиси саналади.
Wikipedia
Википедия яқинда 15 «ёшга» тўлди, ўтган вақт давомида унинг сайти дизайни деярли ўзгармади, логотип ҳақида эса бундай деб бўлмайди. Миллиардлаб одамларга тараққиёт учун ҳисса қўшишга, интернетда энг тўғри манбалардан маълумот олишга имкон берган лойиҳа 2001 йилда ишга туширилганида қандайдир адекват логотипга эга бўлмаган.
