Фото: Reuters
Франция президенти Эмманюэль Макрон француз багетини (узун ва ингичка кўринишга эга нон турларидан бири) ЮНЕСКОнинг номоддий мероси рўйхатига қўшишни таклиф қилди. У бу таклифни RTL телеканали эфирида билдирди.
“Багет французларнинг кундалик ҳаётидир, нон эса бу алоҳида тарих, бу французларнинг ҳар кунги тонги, пешини ва кечасидир”, деб айтган Макрон. Унинг айтишича, француз багетига “бутун дунё ҳавас қилади ва шу сабабли уни номоддий мерослар рўйхатига киритиш лозим”.
Француз багети батонга ўхшаш ичи юмшоқ, усти қисир-қисир бўлади. Стандарт багетнинг узунлиги 65 см, эни 5-6 см, бўйи эса 3-4 см, оғирлиги эса 250 г.га яқин бўлади.
