Таниқли журналист Гильем Балаге «Реал» ҳужумчиси Криштиану Роналдунинг «Манчестер Юнайтед»га қайтиши мумкинлиги борасида ўз фикрлари билан ўртоқлашди.
«Криштиану Роналду ва «Манчестер Юнайтед» ҳақида битта жойдан гап чиқса, британ матбуоти дарҳол шов-шув кўтаради. Улар Роналду кетиш истагида эканини ёзишмоқда. Афтидан «Реал» ҳам уни қўйиб юборишга тайёр бўлиб турибди. Англиядаги таҳлилларда эса буни жамоалар хоҳлаяпти деб эмас, бу ишни қандай амалга ошириш мумкин дея муҳокама қилишмоқда.
«Реал» Роналду учун «ПСЖ» ва инглиз клублари иштирокида курашни юзага келтиришни истамоқда. Аммо ҳақиқийси бутунлай бошқача бўлиши мумкин.
«Юнайтед» Роналду бўйича эҳтиёткор муносабатда бўлмоқда. Улар португалиялик футболчининг 33 ёшга тўлишини ва камида 50 миллион евро соф йиллик маош сўрашини яхши тушуниб туришибди. Шунингдек «Реал» ҳам унинг трансфери учун 100 миллион евродан кам талаб қилмайди. Бундан ташқари «Манчестер Юнайтед» футболчи трансферга қўйилса, унга бўлган қизиқиш йўқлигини тасдиқлай олмайди, сабаби раҳбарият дунёнинг энг яхши футболчиларини сотиб олишга ваъда бериб қўйган.
«Манчестер Юнайтед» бир неча маротаба Криштиануни қайтариш вариантини кўриб чиқди, аммо сўнгги 9 йилда илк марта эндиликда «Реал» ва футболчининг ўзи қандайдир ҳаракатни амалга ошириши керак», – деб ёзган Балаге.
