Фото: Президент матбуот хизмати
Шавкат Мирзиёевнинг Сурхондарёга ташрифи давом этмоқда. Президент Термиз туманидаги «Inter Silk Pro» қўшма корхонасига қарашли пиллахонага борганидан сўнг, унинг ёнида нон пишираётган аёллар билан мулоқот қилган. Бу ҳақда давлат раҳбарининг матбуот хизмати хабар қилмоқда.
Қайд этилишича, Шавкат Мирзиёев нон пишираётган аёллар билан суҳбатлашиб, уларнинг турмуш шароитлари, иш жараёни билан қизиққан.
Эслатиб ўтамиз, аввалроқ Шавкат Мирзиёев Сурхондарёда инновацион пиллахона билан танишгани хабар берилганди. Шу ернинг ўзида турли лойиҳалар тақдимоти ҳам ўтказилган.
