Қирғизистонда яширин террорчилик ячейкаси етакчиси қўлга олинди, у одамларни ёллаш билан шуғулланган. Бу ҳақда «Интерфакс» Қирғизистон Миллий хавфсизлик давлат қўмитаси матбуот хизматига таянган ҳолда хабар бермоқда.
«Аниқланишича, қўлга олинган шахс яширин ячейкани ташкил этган ва унга бошчилик қилган. У жиноий фаолиятни амалга ошириш учун сохта ҳужжатлардан, жумладан Қирғизистон фуқароси паспортидан фойдаланган. Шунингдек, халқаро террорчилик ташкилотлари раҳбарлари кўрсатмасига биноан Фарғона водийсида одамларни ёллаш бўйича плацдарм ташкил қилган», дея хабар беришган Қирғизистон МХДҚдан.
Таъкидланишича, қўлга олинган шахс экстремистик жиноятлар учун халқаро қидирувда бўлган.