АҚШ президенти Дональд Трампнинг шифокори унга фастфуддан воз кечиш ва соғлом овқатланишга ўтишни маслаҳат берди. Бу у семириб кетмаслиги учун керак, деб хабар қилмоқда Bloomberg манбаларга асосан.
Таъкидланишича, президентнинг шифокори Ронни Жексон Трампга ёғли ва углеводларга бой таомларни истеъмол қилмаслик, шунингдек, мол гўштидан воз кечишни тавсия қилган.
Билдирилишича, Трампга семизлик бўйича пастки чегарадан ўтиш учун 0,4 килограмм камлик қилмоқда. Жексоннинг фикрича, нафақат президент, балки Оқ уйдаги бошқа шахслар ҳам соғлом овқатланишга ўтиши керак.