Фото:AP Photo / Rafiq Maqbool
Ҳиндистон шимолидаги Химачал-Прадеш штатида мактаб автобуси иштирокида юз берган йўл-транспорт ҳодисасида камида 26 бола ҳалок бўлди. Бу ҳақда NDTV телеканали хабар бермоқда.
Телеканал маълумотларига кўра, автобус чуқурлиги 30 метрлик дарага тушиб кетиб, ағдарилиб кетган. Йўл-транспорт ҳодисаси сабаблари маълум қилинмаган.
Воқеа жойида қутқарув хизматлари иш олиб бормоқда.
Маълум қилинишича, автобусда хусусий мактабнинг 5- ва бошланғич синфлар ўқувчилари бўлган. India Today нашрининг маълум қилишича, автобусда 40 га яқин бола бўлган.
