Франциялик Франсуа Жисси велосипедда янги жаҳон рекордини ўрнатиш учун тайёргарлик жараёнида ҳаётдан кўз юмди. L'Alsace газетаси шу ҳақида хабар берди.
Воқеа Юқори Рейн департаментидаги Мюншузе ёпиқ учиш-қўниш йўлакчасида рўй берди. Навбатдаги машқлар вақтида Жисси бошқарувни қўлдан чиқарди ва трассадан 300 км/с тезликда отилиб кетди. Тезкорлик билан кўрсатилган тиббий ёрдамга қарамай, спортчи олинган жароҳатлар натижасида ҳаётдан кўз юмди. Полиция воқеа сабабларини ўргана бошлади.
Жисси 2014 йилда - велосипедда 333 км/с тезликда рекорд ўрнатганидан кейин жаҳонга танилган эди. Таъкидлаш жоизки, пойгачи ўзи томонидан йиғилган реактив велосипеддан фойдаланган. У ўзининг рекордини янгилаш ҳаракатида бўлган - Жисси 400 км/с тезликда жаҳон рекордини ўрнатишни режалаштирганди.
