АҚШ соҳилбўйи қўриқлаш хизмати кемалари Флорида штатининг портларидан бирига Тинч океанининг шарқий қисмида ўтказилган 2 ойлик амалиёт давомида ушланган 6 тонна кокаинни етказди.
Февраль охиридан апрель ўрталаригача давом этган патруллаш давомида хизматнинг 3 та катери иштирок этган. Маълум қилинишича, гиёҳванд модда Мексика ҳамда Марказий ва Жанубий Америка соҳиллари яқинидаги халқаро сувларда тутилган 6 та турли кемадан мусодара қилинган.
Бунда James катери экипажи айниқса жонбозлик кўрсатган. У учта кемадан 2 тоннадан кўпроқ кокаин моддасини мусодара қилган.
Қора бозорда умумий нархи 180 млн долларни ташкил қилувчи ушбу кокаин партияси йўқ қилиниш учун Форт-Лодердейл шаҳри портида туширилган.