Фото: ТАСС
Украина Хавфсизлик хизматининг (УХХ) маълум қилишича, «Россия назорати остида бўлган медиатузилмалар» фаолияти фош этилди. Бу ҳақда маҳкама сайтида хабар берилган.
Хабарда айтилишича, Россия ОАВдан «Украинага қарши гибридли ахборот уруши»ни олиб бориш учун фойдаланган.
УХХ тергов ҳаракатлари ҳақидаги маълумотни амалиёт якунланганидан сўнг ошкор қилишга ваъда берди.
Шунингдек, маълум бўлишича, Киевда журналист Кирилл Вишинский қўлга олинган. Бундан ташқари, УХХ ходимлари РИА «Новости»’нинг Киевдаги офисига келиб, у ерда тинтув ўтказишаётгани айтилмоқда.
