Қирғизистонда 2018 йилнинг мартида тайёрланган 1464 килограмм бешбармоқ ва 117 метр чучук Гиннеснинг рекордлар китобига киритилди. Бу ҳақда тадбир ташкилотчилари хабар берган.
«Қирғиз тилектештиги» жамоат фонди аъзоси Дана Абдибекованинг сўзларига кўра, 25 май куни кечқурун Гиннес рекордлар китоби котибиятидан жавоб олинган, сертификатлар ва ҳужжатлар почта орқали юборилиши айтилган.
«Биз рекорд ўрнатдик», - дея хулоса қилган у.
Миллий таом ва чучукни тайёрлаш учун 9 бош от сўйилди. Апрель ойи охирида ташкилотчилар котибиятга видео ва фотосуратларга эга ҳужжатларни юбориб, рекордни рўйхатдан ўтказишни сўрашганди.
