Фото: TASS/Imago/Xing Guangli
Хитой Тижорат вазирлиги вакили Гао Фэннинг маълум қилишича, Пекин АҚШ томонидан жорий этилган санкцияларга қарамай, Теҳрон билан ҳамкорликни давом эттиради.
Гао Фэннинг сўзларига кўра, Хитой ва Эрон томони ўзаро савдо-иқтисодий муносабатларни ушлаб турибди. Унинг таъкидлашича, Хитой бир томонлама санкцияларга қаршидир. Шунингдек, унинг билдиришича, мамлакатлар ўртасидаги товар айланмаси йилнинг биринчи тўрт ойи давомида 13,21 млрд долларни ташкил этди.
«Биз Эрон билан нормал савдо-иқтисодий алоқаларни ушлаб туришда давом этамиз ҳамда бу ўзимизнинг халқаро мажбуриятларимизга зид бўлмайди», - дея айтиб ўтди Фэн.
Эслатиб ўтамиз, аввалроқ Хитой АҚШ фермерларига зиён етказишга ваъда берганди.
