Фото: AFP
АҚШ президенти Дональд Трамп Иллинойс штатининг Гранит Сити шаҳридаги пўлат ишлаб чиқариш бўйича заводда чиқиш қилиб, Қўшма Штатлар кўп йиллар давомида савдо урушларида мағлуб бўлиб келганини айтди. АҚШ президентининг сўзлари Chicago Tribune газетаси томонидан келтирилган.
Трампнинг маълум қилишича, АҚШ савдо урушларини бошламаган, бироқ «кўп йиллар» давомида уларнинг иштирокчиси бўлди. Унинг таъкидлашича, мамлакат уларда мағлубиятга учраб келди.
«Бироқ, сўнгги бир ярим йил давомида биз ғалаба қозонмоқдамиз. Биз қайтдик, ҳамда жуда катта ғалабаларга эришмоқдамиз», - деди Трамп.
Шу билан бирга, Қўшма Штатлар етакчисининг қайд этишича, АҚШ аввал савдо бўйича «Ер тарихидаги энг ёмон келишувларга» эришган.
