Фото: AFP
Афсонавий ҳужумчи Роналдо Испаниянинг «Реал Вальядолид» клубини сотиб олмоқда.
Cadena SER маълумотига кўра, келишув миқдори 30 млн еврони ташкил этади. Бразилиялик футболчи «Вальядолид»нинг асосий акциядори ва президентига айланади.
Манба хабарига кўра, келишув икки ёки уч ҳафта ичида ёпилади. Шу тариқа, клуб ўзининг 25 млн евролик қарзини тўлаш имконини қўлга киритади.
«Вальядолид» 2017/18-йилги мавсум якунларига кўра Испания Примерасига йўл олди. Жамоа чемпионатнинг биринчи турида «Жирона» билан дуранг (0:0) ўйнади, иккинчи турда эса ўз майдонида «Барселона»га имкониятни бой берди (0:1).
