Чернобилда 1986 йилда портлаб кетган атом реакторини ёпиб турувчи саркофагдан 100 метр нарида 1 МВт қувватга эга биринчи қуёш электр станцияси ишга туширилди. Бу ҳақда Reuters лойиҳага бошчилик қилаётган компания ижрочи директори Евгений Варягинга асосланиб хабар бермоқда.
Таъкидланишича, очилиш маросими 5 октябрь, жума куни бўлиб ўтган.
«Бу нафақат яна битта қуёш электр станцияси - бу 1986 йилда портлаб кетган ядровий реактордан 100 метр масофада жойлашган ягона станция», - дея таъкидлаб ўтди Варягин.
Шунингдек, унинг таъкидлашича, «ушбу лойиҳанинг рамзийлигига ортиқча баҳо бериш қийин».