«Ювентус» ҳужумчиси Криштиану Роналду кейинги ойдан бошлаб, Португалия терма жамоаси сафидаги ўйинларини давом эттиришга қарор қилди.
33 ёшли футболчи Россияда ўтказилган жаҳон чемпионатидан сўнг, терма жамоадаги фаолиятида танаффус қилган эди. Энди у Миллатлар Лигасидан ўрин олган ва ноябрь ойида ўтказиладиган Италия ва Польша терма жамоаларига қарши ўйинда майдонга тушмоқчи, деб хабар беради Corriere dello Sport.
Криштиану Роналду Европа терма жамоалари тарихидаги энг яхши тўпурар ҳисобланади. У Португалия таркибида 154та ўйин ўтказиб, 85та гол урган.
