Иллюстратив фото/Pinterest
Франция гипертовуш қуроли ишлаб чиқариш дастурини бошлашга қарор қилди. Франция қуролли кучлари вазири Флоранс Парли ана шундай баёнот билан чиқди, деб хабар берди AFP агентлиги.
Вазирнинг сўзларига кўра, ишлаб чиқариладиган гипертовушли планер соатига 6 минг километрдан ортиқ тезликда парвоз қила олиши лозим.
Хабар қилинишича, дастлабки синов парвози 2021 йилнинг охиригача бўлиб ўтиши мўлжалланмоқда.
Мазкур лойиҳа V-MaX (Vhicule Manoeuvrant eXprimental) номини олди. Лойиҳанинг бош пудратчиси Arianegroup авиация-космик концерни бўлади. Вазирнинг фикрича, лойиҳа "қатор соҳаларда ҳарбий салоҳият нуқтаи назаридан ҳақиқий технологик ўсиш бўлади".
