Фото: «Фарғона ҳақиқати» газетаси
Халқ депутатлари Қува тумани Кенгашининг навбатдан ташқари сессияси бўлиб ўтди. Сессияни вилоят ҳокими Шуҳрат Ғаниев олиб борди. Бу ҳақда «Фарғона ҳақиқати» газетаси сайтида хабар берилди.
Сессия ишига депутатлар, тумандаги корхона, ташкилотлар ва муассасалар раҳбарлари, фаоллар ҳамда оммавий ахборот воситалари вакиллари қатнашди.
Сессияда ташкилий масала кўрилди.
Халимжон Комилович Умаров бошқа ишга ўтиши муносабати билан Қува тумани ҳокими лавозимидан озод этилиб, Равшан Қурбонов Қува тумани ҳокими этиб тайинланган.
Равшан Қурбонов илгари Наманган вилояти ҳокимининг қишлоқ ва сув хўжалиги масалалари бўйича ўринбосари бўлиб ишлаганди.
