Бирлашган Араб Амирликлари Бадиий санъат музейи ходимлари Леонардо да Винчи мўйқаламига мансуб «Дунё халоскори» картинасини топа олишмаяпти. Бу ҳақда хабар тарқатган NYT мақоласига таъкидланишича, картина Луврнинг Абу-Даби филиалидан изсиз йўқолган.
Мазкур картина режага мувофиқ 2018 йили кўрсатилмаган ва бунга расмий изоҳ ҳам берилмаганди. Абу-Даби Туризм ва маданият бошқармаси вакиллари эндиликда картинанинг йўқолиб қолганига ҳам муносабат билдиришга шошилмаяпти.
Газета мақоласида Луврдагилар асарнинг ҳақиқий жойини аниқлай олмагани билдиришган.
«Дунё халоскори» асари 2017 йили Нью-Йоркда ўтказилган Christie's аукционида 450 миллион долларга сотилганди. Картинани аукционга қўйган соҳиб россиялик Дмитрий Рыболовлев бўлгани тахмин қилинади. Ўз вақтида Рыболовлев асарни швейцариялик арт-дилер Ив Бувьедан 127 миллион долларга харид қилганди.
Луврнинг Абу-Дабидаги филиали 2018 йил ноябрдан эътиборан кенг оммага очиқ. У ерда 600дан ортиқ бадиий санъат намунаси томошага қўйилган.
