Фото: Сергей Савостьянов/ТАСС
"Роскосмос" раҳбари Дмитрий Рогозин Туркияга Бойқўнғир космодромидан Россия ва Қозоғистон билан биргаликда фойдаланишни таклиф қилди.
"Роскосмос" Туркия ўз космик қурилмаларини олиб чиқиши учун ракеталарини тақдим этишга тайёр. Буни Туркия ҳудудида амалга ошириш ҳам шарт эмас. Биз учта давлат учун лойиҳа қилишимиз ва Бойқўнғир инфраструктурасидан фойдаланишимиз мумкин", - деди у.
Унинг айтишича, бу лойиҳа иштирокчилари Туркия, Россия ва Қозоғистон бўлиши мумкин.
"Бу яхши истиқбол деб ўйлайман", - деди у.
Аввалроқ БАА Россия ва Қозоғистон билан биргаликда космодром старт майдончасини модернизация қилишда иштирок этишга розилик билдиргани хабар қилинганди.
