21 сентябрь куни Рио Олимпиадаси совриндори, Осиё ва жаҳон чемпиони, профессионал боксда мағлубиятсиз одимлаётган боксчимиз Шаҳрам Ғиёсов Тошкентда юзлаб мухлислар иштирокида ўзига хос мастер-класс ўтказди.
Мастер-класс давомида мухлислар ўзларини қизиқтирган саволларга жавоб олишди.
Шаҳрам Ғиёсов боксдаги муваффақиятлари, болалик даври, бошидан кечирган қийинчиликлари ҳақида гапириб берди.
Мухлислар учун энг қизиқарлиси эса ,албатта, Шаҳрам ўзининг машғулот жараёнида бажарадиган машқларини кўрсатиши бўлди.
Шаҳрам Россиянинг Екатеринбург шаҳри мезбонлик қилаётган бокс бўйича жаҳон чемпионати ҳақида гапираркан, боксчиларимизнинг иштирокини юқори баҳолади ва бугунги кунда ўзбек бокс мактаби дунёда биринчи эканини таъкидлаб ўтди.
