АҚШнинг Калифорния штати ва Сингапур соҳиллари яқинида ўнлаб нефть танкерлари океанда лангар ташлади. Таъкидланишича, Лонг-Бич порти яқинида бундай танкерлардан 27 таси, Сингапур яқинида эса камида 60 таси қайд қилинган.
Айни вақтда Калифорнияда диспетчерлар ва ҳарбийлар бундай “ноёб” вазият ортидан кузатув олиб бориб, қолган кемалар ва атроф-муҳит хавфсизлигини таъминлашмоқда.
The Wall Street Journal нашрининг ёзишича, нефть трейдерлари март-апрелда анча арзонлашиб кетган нефтни қуруқликдаги омборлар тўлиб-тошгани сабабли танкерларда сақлашларига тўғри келмоқда. Улар коронавирус устидан ғалаба қозонилгач, нефть нархи яна кўтарилиши ва вазиятдан фойда билан чиқишга умид қилишмоқда.
Таъкидланишича, шунга ўхшаш вазият Мальта ва Жанубий Африка соҳиллари яқинида ҳам кузатилмоқда.
