Хитойнинг Янцзи дарёсида икки кема тўқнашуви оқибатида 14 киши бедарак йўқолди. Уларнинг тақдири номаълумлигича қолмоқда.
Фото: Global Look Press
Тўқнашув дарёнинг Шанҳай яқинидаги қисмида соат 03:04да юз берган. Бензин олиб кетаётган танкер ва шағал ортилган баржа тўқнашиб кетган. Кемалар бортида умумий ҳисобда экипажларнинг 17 аъзоси бўлган. Тўқнашув оқибатида баржа чўкиб кетган, трюмида 3 минг тонна бензин олиб кетаётган танкер эса ёниб кетган.
Қутқарувчилар воқеа жойига тезкорлик билан етиб келишган. Бироқ улар сувдан 3 кишини тирик ҳолда чиқариб олишга муваффақ бўлишган. Жабрланувчилар яқин орадаги шифохонага етказилган. Улардан бирининг аҳволи оғир дея баҳоланмоқда.
Воқеа жойида қолган одамларни қидириш ишлари олиб борилмоқда.
