Бахтиёр Худойбердиев Молия вазирлиги ҳузуридаги Давлат асиллик даражасини белгилаш палатаси бошлиғи этиб тайинланди.
Ҳукуматнинг 19 февралдаги 83-сонли қарори билан, Бахтиёр Ботирович Худойбердиев Давлат асиллик даражасини белгилаш палатаси бошлиғи лавозимига тайинланди.
Эслатиб ўтамиз, палата 2019 йил май ойида Молия вазирлиги тасарруфига ўтказилган. Бунга қадар у Марказий банк ҳузуридаги Қимматбаҳо металлар агентлиги тузилмасига кирарди.
2019 йил октябрида Равшан Эрбекович Умаров палата бошлиғи сифатида иш бошлаганди.
- Асиллик даражасини белгилаш палатаси – қимматбаҳо металлар ва қимматбаҳо тошлар билан фаолият кўрсатишни тартибга солиш, шунингдек, асиллик даражаси назорати соҳасида ягона давлат сиёсати амалга оширилишида иштирок этувчи ваколатли давлат бошқаруви органи ҳисобланади.