Италия ҳуқуқни муҳофаза қилиш органлари вакиллари Ндрангета мафия гуруҳининг етти йилдан бери қидирувда бўлган аъзосини қўлга олди, деб хабар бермоқда ВВС.
Хабарда айтилишича, у ўзининг пазандалик тўғрисидаги YouTube-канали туфайли қўлга олинган.
Марк Ферен Клод Бьярт Доминиканда ушланган ва тез орада Италияга экстрадиция қилинади.
Сўнгги йилларда 53 ёшли Бьярт Доминикандаги Бока-Чика шаҳрида осойишта ҳаёт кечирган. У пазандалик блогини юритиб келган, аммо юзини кўрсатмаган. Полиция уни татуировкалари орқали таниб қолган.
Ндрангета дунёдаги энг йирик жиноий гуруҳлардан бири ҳисобланади. Мафия аъзолари кокаин контрабандаси билан шуғулланишда гумон қилинади.