Аввалроқ Сувайш канали маъмурияти ва кема эгаси – Япониянинг Shoei Kisen Kaisha Ltd компанияси келишувга эришганди.
Ever Given контейнер ташувчи кемаси Катта аччиқ кўлдан Мисрнинг Порт-Саид шаҳри томон йўл олди, деб маълумот берди www.marinetraffic.com сайти.
Аввалроқ Сувайш канали маъмурияти ва кема эгаси – Япониянинг Shoei Kisen Kaisha Ltd компанияси келишувга эришганди.
Томонлар каналдаги ҳаракат тўхтаб қолгани учун тўланадиган компенсация миқдори борасида келишиб олган. Канал маъмурияти дастлаб 916,5 млн доллар талаб қилган, аммо кейинроқ бу миқдор 550 млн долларга туширилган.
Чоршанба куни кечқурун келишув имзолаш маросими бўлиб ўтади, шундан сўнг кема Роттердам порти (Нидерландия) томон йўл олади.
Хитойдан Нидерландиянинг Роттердам шаҳрига сузган 400 метрлик Ever Given контейнер ташувчи кемаси 23 март куни Сувайшда саёзликка ўтириб қолганди. Уни 6 кун ўтибгина жойидан силжитишга ва канални очишга муваффақ бўлинган. Бу вақт ичида каналга икки томондан кириш жойида юзлаб кемалардан иборат тирбандлик юзага келган. Каналдаги ҳаракатни 3 апрелдагина тўлиқ тиклашга муваффақ бўлинган.
