Бир неча кундан буён давом этаётган ёғингарчилик туфайли Андижон шаҳрининг айрим кўчалари сувга тўлган. Бунинг оқибатида машиналар ҳаракати чекланган.
Фото: Андижон вилояти ҳокимлиги
Жумладан, Пушкин болалар боғи қаршисидаги кўча сув тошқини туфайли ёпилган.
Андижон давлат университетига олиб борувчи йўл ҳам ёғингарчилик оқибатида сувга тўлган.
Мазкур кўчаларда сув тошишини бартараф этиш ишлари олиб борилмоқда.
Аввалроқ, кучли ёмғир туфайли Наманган кўчалари сувга тўлганлиги хабар қилинган эди.
