Ўзбекистон ва Швеция инфратузилма соҳасида ҳамкорликни кенгайтириш истиқболларини муҳокама қилмоқда.
Ўзбекистоннинг муваққат ишлар вакили Нодир Ғаниев Швеция Инфратузилма вазирлиги бош директори ўринбосари – ЕИ ва халқаро алоқалар бошқармаси бошлиғи Фредрик Альфер билан учрашди, деб хабар бермоқда “Дунё”.
Мулоқот чоғида инфратузилма лойиҳаларини амалга оширишда Ўзбекистон-Швеция ҳамкорлигини йўлга қўйиш йўналишлари муҳокама қилинди.
Швеция томони инфратузилмани, транспорт ва энергетика лойиҳаларини муҳокама қилишни назарда тутувчи ўзаро боғлиқликни мустаҳкамлаш бўйича бўлиб ўтадиган “Европа иттифоқи – Марказий Осиё” вазирлар конференциясида иштирок этишдан манфаатдорлик билдирди.
Учрашув якунида мунтазам амалий алоқаларни давом эттиришга келишиб олинди.