Сўнгги 30 йилда биринчи марта Халқаро бирликлар тизимига (СИ) янги атамалар қўшилди.
Жумладан, тўртта янги префикс: ронна (ronna, 1027 ёки 27 та нолга эга рақам), ва кветта (quetta, 1030), шунингдек, ронто (ronto, 10-27) ва квекто (quecto, 10-30).
Янги префиксларнинг қабул қилиниши Буюк Британиянинг Миллий физика лабораторияси томонидан тасдиқланди. Оғирликлар ва ўлчовлар бўйича 27 Бош конференцияда иштирок этган дунё олимлари ва ҳукумат вакиллари буни ёқлаб овоз беришди.
Ҳозирда янги префикслардан Ернинг оғирлигини ифодалаш учун фойдаланиш мумкин, бу тахминан 6 роннаграмм, Юпитер эса тахминан 2 кветтаграммга тенг. Шкаланинг бошқа томонида жуда кичик массага эга жисмлар туради, масалан, электроннинг массаси 1 ронтограмм, мобил телефонда сақланадиган бир бит маълумот эса 1 квектограммга тенг.
Олимларнинг таъкидлашича, янги префикслар дунёнинг катта ва кичик рақамларга бўлган эҳтиёжини камида 20-25 йил двомида қондириши керак.
Сўнгги марта СИ тизимига 1991 йилда зетта (1021) ва йотта (1024) атамалари киритилган эди.
