12 майгача бўлган даврда Россия нефть импорти кунига 3,72 миллион баррелга етди, бу 2022 йил бошидан бери энг юқори кўрсаткичдир.
Кенг кўламли санкциялар фонида, Россия томонидан нефтини халқаро бозорларга етказиб бериш ҳажми ўсишда давом этмоқда. Гарчи Россия нефть қазиб олишни қисқартирганини эълон қилган бўлса ҳам.
Bloomberg маълумотларига кўра, апрель ойи бошидан бери Россия танкерлари томонидан ташиладиган нефть ҳажми 10 фоизга ошган. Россиянинг кичик юк кемалари Атлантика океанида йирик танкерларга нефтни қуймоқда. Сўнгра бу хомашё Осиё портларига етказиляпти.
Россия нефтининг деярли барчаси Хитой ва Ҳиндистонга етказиляпти. Осиёга «қора олтин»ни етказиб бериш ҳажми янги чўққига чиққан. 12 майгача бўлган даврда Россия нефть импорти кунига 3,72 миллион баррелга етди, бу 2022 йил бошидан бери энг юқори кўрсаткичдир.
Сўнгги ҳафтада денгиз орқали кунига 3,76 миллион баррель Россия нефти ташилди, 34 та танкерга 26,3 миллион баррель юк ортилди. Бу ўтган ҳафтага нисбатан 3 фоизга кўпдир.
2023 йил февраль ойида Россия ҳукумати нефть қазиб олиш ва денгиз орқали нефть экспортини камайтириш режаларини эълон қилди. Апрель ойида бу режалар амалга оширила бошланди, аммо етказиб бериш статистикаси бу баёнотларга зид рақамларни кўрсатмоқда.
Россия ҳукумати нефть ва газ қазиб олиш бўйича маълумотларни махфийлаштирди. Бу ишлаб чиқаришнинг рекорд даражада пасайишини ҳам, ОПEК+ картелидаги келишувларни бузган ҳолда урушни молиялаштириш мақсадида унинг яширин равишда кўпайишини ҳам кўрсатиши мумкин.
