Uzbekistan Airways авиакомпаниясининг Тошкент — Душанбе йўналиши бўйича HY717 сонли рейси Тошкент халқаро аэропортига қайтиб келди.
Uzbekistan Airports хабарига кўра, самолётнинг қайтишига Душанбе аэропортидаги ноқулай об-ҳаво шароити (кучли шамол) сабаб бўлган.
Тошкент вақти билан соат 10:04 да самолёт учиш аэропортига келиб қўнди.
Соат 11:31 да эса бортида 174 йўловчи бўлган самолёт Душанбе аэропортига учиб кетган.
