НАТО ҳарбий-сиёсий блок ташкил этилганидан буён энг йирик машғулотларга тайёргарлик кўрмоқда.
Фото: AP
Air Defender 2023 ҳарбий ҳаво машқлари 12-23 июнь кунлари Германия ва Шарқий Европада 250 та ҳарбий самолёт иштирокида ўтказилади.
Шимолий Америкадан Европага АҚШ ҳарбий-ҳаво кучларининг 110 га яқин самолёти машғулотлар ўтказиш учун жўнатилди.
Бундан ташқари, машғулотларда НАТО давлатларининг Европадан 80 та самолёти ва халқаро ҳамкорларнинг 60 та самолёти иштирок этади.
Машқ кунлари ўртача 250 та парвоз амалга оширилади.
25 давлатдан келган учувчилар F-35, Eurofighter, F-18, F-16, A-10 ва Gripen каби 20 турдаги самолётларни бошқаради.
Машқдан мақсад Альянснинг мудофаа қобилиятини кучайтириш, ҳавода тийиб турувчи омил мавжудлигини кўрсатиш ва Атлантика океанининг ҳар икки томонида «бирдамликни мустаҳкамлаш»дир.
