Мамлакат шарқидаги муссон мавсумида чақмоқ уриши тез-тез учраса-да, бир кун ичида бундай кўп яшин мисли кўрилмаган эди.
Ҳиндистоннинг шарқий қисмидаги Одиша штатида икки соат ичида момақалдироқ пайтида 61 мингдан ортиқ чақмоқ урди.
Одиша табиий офатларни бошқариш бошқармаси маълумотларига кўра, булутдан булутга чақмоқ уриши 36 мингдан ортиқ марта, булутдан ерга чақмоқ уриши 25 мингдан ортиқ марта кузатилган.
Яшин уриши оқибатида 12 киши ҳалок бўлди, 14 киши жароҳатланди. Штат ҳукумати қурбонлар оилаларига 400 минг рупий (4,8 минг доллар) миқдорида ёрдам пули тўланишини эълон қилди.
Момақалдироқларга Бенгалия кўрфази устидаги фаол циклон сабаб бўлган. Ҳиндистоннинг шарқий қисмида муссон мавсумида чақмоқ уриши тез-тез учраса-да, бир кун ичида бундай кўп яшин мисли кўрилмаган эди.
Ҳиндистон метеорология департаменти аҳолини Бенгалия кўрфазидаги циклонлар туфайли экстремал об-ҳаво 7 сентябргача давом этиши ҳақида огоҳлантирмоқда.
Шу билан бирга, тадқиқотлар денгиз сатҳининг кўтарилиши туфайли аср охирига бориб ҳалокатли чақмоқларнинг кўпайишини башорат қилмоқда. Бундан ташқари, иқлимнинг исиши ҳам довул каби экстремал об-ҳавога олиб келади. Калифорния университети томонидан 2015 йилда чоп этилган тадқиқотга кўра, ҳароратнинг ҳар 1°С кўтарилиши чақмоқ уриши частотасини 12 фоизга оширади.
