«Нур-3» орбитага 450 км баландликда олиб чиқилган.
Фото: MNA
Эрон ўзининг учинчи ҳарбий сунъий йўлдоши - «Нур-3»ни муваффақиятли учирди.
Бу ҳақда Эрон ахборот ва коммуникация технологиялари вазири Исо Зарепур ижтимоий тармоқларда маълум қилди.
Сунъий йўлдош 450 км баландликдаги орбитага чиқарилди.
«Нур-3» учирилиши Ислом инқилоби муҳофизлари корпуси (ИИМК) томонидан Эронда ишлаб чиқарилган Ghassed ракета ташувчиси ёрдамида амалга оширилди.
2009 йил феврал ойида Эрон ўзининг биринчи сунъий йўлдошини орбитага олиб чиққанди.
2020 йилнинг апрел ойида Эроннинг «Нур» деб номланган биринчи ҳарбий сунъий йўлдоши учирилган, 2022 йилнинг март ойида эса «Нур-2» орбитага чиқарилган.
