Ўзбекистон ва Озарбойжон ташқи ишлар вазирлари телефон орқали мулоқот чоғида 2024 йилга мўлжалланган ҳамкорликнинг устувор йўналишларини муҳокама қилди.
Фото: ТИВ
Ўзбекистон ташқи ишлар вазири Бахтиёр Саидов Озарбойжон ташқи ишлар вазири Жейҳун Байрамов билан телефон орқали мулоқот қилди.
«Озарбойжон ташқи ишлар вазири Жейҳун Байрамов жаноблари билан телефон орқали мулоқот қилдик», - деб ёзди Ўзбекистон ТИВ раҳбари ўзининг Telegram-каналида.
Ўзбекистон–Озарбойжон ҳамкорлиги барча соҳаларда жадал ривожланиб бораётгани қайд этилди.
Ўзбекистон ташқи ишлар вазирининг маълум қилишича, Ўзбекистон ва Озарбойжон ўртасида келгуси йил учун асосий устувор йўналишлар белгилаб олинди.
