Унинг автомобили аукционда сотиб юборилиши мумкин.
Тошкентда йўл ҳаракати қоидасини 174 марта бузган ҳайдовчига қарши чора кўрилди.
Қайд қилинишича, унинг 1 йил давомида тўланмаган маъмурий жарималари миқдори қарийб 59 миллион сўмга яқинлашган. Шу сабабли, МИБ Шайхонтоҳур тумани бўлими томонидан автомобили хатланиб, жарима майдончасига жойланган.
Қонунчиликка асосан қарздорга ўз қарзини тўлаши учун мухлат берилган. Таъкидланишича, агар қарз тўланмаса, унинг автомобили аукцион савдосига чиқарилади ва сотиб юборилади. Тушган маблағлар қарзини қоплаш учун сарфланади.
