Яккакурашларнинг жиу-житсу тури бўйича профессионаллар ўртасида жаҳон чемпиони Қозоғистон президенти қўриқлаш хизмати раҳбари этиб тайинланди.
Роман Тореханов Қозоғистон Республикаси Давлат хавфсизлик хизмати раҳбари ўринбосари ва Қозоғистон президенти қўриқлаш хизмати раҳбари этиб тайинланди.
Оқўрда хабарига кўра, тегишли фармойиш президент Қосим-Жўмарт Тўқаев томонидан имзоланган.
Роман Тореханов яккакурашларнинг жиу-житсу тури бўйича профессионаллар ўртасида 94 кг тоифасида, шунингдек, мутлақ вазн тоифасида жаҳон чемпиони ҳисобланади.