Уч нафар фуқаронинг ҳайдовчилик гувоҳномаси муқаддам спиртли ичимлик ичиб машина бошқаргани учун бекор қилинган бўлган.
Хабар қилинишича, Самарқанд вилоятида хусусий автомактаб йўриқчиси 44 ёшли У.О. 3 нафар фуқаронинг ишончига кириб, танишлари орқали имтиҳонсиз ҳайдовчилик гувоҳномалари расмийлаштириб беришни ваъда қилган.
ДХХ Самарқанд вилояти бошқармаси ҳамда вилоят ИИБ ходимлари ҳамкорлигида ўтказилган тезкор тадбирда У.О. фуқаролардан бу “хизмати” эвазига 750 АҚШ доллари ва 1,2 млн сўм олаётган вақтида қўлга олинган.
Маълум бўлишича, уч нафар фуқаронинг ҳайдовчилик гувоҳномаси муқаддам спиртли ичимлик ичиб машина бошқаргани учун бекор қилинган бўлган.
Қайд этилишича, ушбу шахсга нисбатан Жиноят кодексининг тегишли моддалари билан жиноят иши қўзғатилиши режалаштирилиб, ҳозирда суриштирув ҳаракатлари олиб борилмоқда.
