2023 йилда ҳоким ёрдамчилари кўмагида 241 минг нафар фуқарога ижара асосида ер ажратилди. Бу ҳақда Маҳаллабай ишлаш ва тадбиркорликни ривожлантириш агентлиги маълум қилди.
Шунингдек, 1,6 млн нафар фуқаро ўзини-ўзи банд қилган шахс сифатида рўйхатга олинди. Ҳоким ёрдамчиларининг тавсияномалари асосида 472 мингта лойиҳага 10 трлн сўмлик кредитлар ажратилди.
Ҳоким ёрдамчилари томонидан шакллантирилган 54 мингта "маҳаллабай" микролойиҳадан 51 мингтаси ишга туширилиб, натижада 206 мингта иш ўрни яратилди.
Ҳоким ёрдамчилари томонидан 1,1 млндан ортиқ камбағал оилага индивидуал дастурлар ишлаб чиқилиб, қисқа даврда бу оилаларнинг 95 минг нафар ишсиз аъзолари доимий иш ўринларига жойлаштирилди, 36 минг нафарига имтиёзли кредит ва 8 минг нафарига субсидиялар ажратилди.
