AQShning «Florida» xokkey jamoasi hujumchisi Yaromir Yagr Milliy xokkey ligasida navbatdagi rekord sohibiga aylandi. U 40 yoshga kirganidan so‘ng ham maydonga tushgan xokkeychilar orasidagi eng sermahsul o‘yinchiga aylandi.
TASSning xabar berishicha, chexiyalik xokkeychi 15 fevralda 45 yoshga to‘ldi.
Avvalroq Yagr «Nyu-York Reyndjers»ga qarshi mehmonda kechgan bahsda ikkita golli uzatmaga mualliflik qildi hamda jamoasining bullitlar seriyasida (4:3) g‘alaba qozonishi uchun yordam berdi.
Hammasi bo‘lib forvard hisobida «gol +pas» sxemasi bo‘yicha 269 ochko (104+165) bor. Sportchi bu ko‘rsatkichga 40 yoshga to‘lganidan so‘ng erishgan.