O‘zbekiston va Qirg‘iziston o‘rtasidagi tovar aylanmasi 2018 yilda 481 mln dollarni tashkil etdi. Bu haqda bugun, 29 yanvar kuni, O‘zbekistonning Qirg‘izistondagi elchisi Komil Rashidov brifingda ma'lum qildi, deb yozmoqda Tazabek.
Uning so‘zlariga ko‘ra, 2018 yilda mamlakatlar o‘rtasidagi tovar aylanmasi 2017 yil bilan taqqoslaganda 189,6 foizga o‘sdi.
Eksport hissasiga 348,2 million dollar, import hissasiga 132,8 million dollar to‘g‘ri keldi. O‘zbekiston tashqi iqtisodiy aylanmasida solishtirma ulush 1,4 foizni tashkil etdi, deya ta'kidlab o‘tgan elchi.
«Qirg‘iziston O‘zbekistonning eksportchi mamlakatlar ro‘yxatida 6-o‘rinni egallaydi, import bo‘yicha esa - 20. Mamlakatlarimiz o‘rtasidagi tovar ayirboshlash hajmini 500 mln dollarga qadar yetkazish rejalashtirilmoqda», - deya ma'lum qildi K. Rashidov.
