Vakansiyalar soni 340 mingdan oshdi, bo‘sh ish o‘rinlari bor korxonalar soni 130 mingga yaqin.
24 aprel holatiga O‘zbekistonda 340 mingdan ortiq bo‘sh ish o‘rni bor. Bu haqda Kambag‘allikni qisqartirish va bandlik vazirligi xabar berdi.
Qayd qilinishicha, 6 milliondan ortiq mehnat shartnomasi yagona milliy mehnat tizimida (YaMMT) ro‘yxatdan o‘tkazilgan.
Ta’kidlanishicha, bo‘sh ish o‘rinlari soni 340 661 ta, shundan davlat tashkilotlarida - 86 543 ta, xususiy sub’yektlarda - 254 118 ta bo‘sh ish o‘rni bor.
Bo‘sh ish o‘rinlari mavjud korxonalar soni 129 034 tani tashkil etgan.