«Атлетико»нинг франциялик ҳужумчиси Антуан Гризманн Испания чемпионатининг 2-турида «Леганес»га қарши кечган ва 0:0 ҳисобидаги дуранг қайд этилган ўйиндан кейинги фикрларини билдириб ўтди. Чемпионатнинг 1-турида мадридликлар жамоаси лиганинг бошқа бир дебютанти «Алавес»ни мағлуб эта олмаганди (1:1).
«Агар «Атлетико» шундай ўйнашда давом этса, лигада жон сақлаб қолиш учун курашади. Жамоа мухлисларни хафа қилмоқда. Биз уйғонишимиз керак.
Евро-2016 турниридан кейин тикланганманми? Менда ҳаммаси жойида, фақат тезлигимни янала оширишим керак. Ўз даражамга қайтиш устида ишлаяпман», деган Гризманн.
Манба: Tribuna.uz